قصه‌ی دراکه لقمان و مولودش

لە کتێبی:
کۆمەڵەی شیعری فەقێ قادری هەمەوەند
بەرهەمی:
فەقێ قادری هەمەوەند (1830-1890)
 1 خولەک  308 بینین
جە ساڵ دەهەم حوکمەت داوود
حەزرەت لوقمان ئاما بە وجوود
چەند ساڵ با حەزرەت داوود کەرد سوحبەت
حەزرەت داوود پێش بەخشا ئولفەت
داوود هەم سوڵتان هەم پێغەمبەر بی
جیبال و ئاهین پەیش موسەخخەر بی
دوو موعجیزەش بی بە قەول سەحیح
هەم زرێساز بی، هەم سەوتش مەلیح
بێ ئەسباب و پیک، بێ کوورە و سندان
نە پەنجەش ئاهین چون مۆم بی هەر ئان
پەنهان جە عالەم مەسازا زرێهـ
بە پەنجە حەڵقەی دیرع مەدا گریهـ
ئەووەڵین زرێهـ بە عام نمانا
نە چ ئەسبابەن؟ هیچ کەس نەزانا
چون لوقمان ئاما وەنەش کەرد نەزەر
وات جامەی حیفزەن جە حەربەی خەتەر
جە سەبر و سوکووت هەم جە حیکمەتەن
فاعیلش جە دەور ئەییام قیللەتەن