qisey dirakih liqman û muludiş
From the Book:
Komele Şîrî Feqê Qadirî Hemewend
By:
Faqe ghader hamawand (1830-1890)
1 minutes
534 views
ce sał dehem ḧukmet dawud
ḧezret luqman ama be wicûd
çend sał ba ḧezret dawud kerd suḧbet
ḧezret dawud pêş bexşa ulfet
dawud hem sułtan hem pêẍember bî
cîbal û ahîn peyş musexxer bî
dû mu’cîzeş bî be qewl seḧîḧ
hem zirêsaz bî, hem sewtiş melîḧ
bê esbab û pîk, bê kûre û sindan
ne penceş ahîn çun mom bî her an
penhan ce ’alem mesaza zirêh
be pence ḧełqey dîr’ meda girîh
ewwełîn zirêh be ’am nimana
ne çi esbaben? hîç kes nezana
çun luqman ama weneş kerd nezer
wat camey ḧîfzen ce ḧerbey xeter
ce sebir û sukût hem ce ḧîkmeten
fa’îlş ce dewr eyyam qîlleten