غەزەلی چوارەم
لە کتێبی:
دیوانی خادیم (بەرگی ٢)
بەرهەمی:
خادیم (1895-1953)
1 خولەک
252 بینین
میرزام وەفاتن، میرزام وەفاتن
تەشریف باوەرۆ وادەی وەفاتن
جە کولبەی حوزنا، یەعقووب سیفاتم
چاوەڕێی سەروی قەد و باڵاتم
سا باوەر تەشریف ساتێ وە یانەم
وەی یانەی وێران سەد جار وێرانەم
ئەواسا دڵ بو جە دووری باڵات
وە نەقدی جان بیم مشتەری کاڵات
ئاهیر جە جگەر جە لاش بەر مەشۆ
شەرارە و دووکەڵ جە دڵ بەر مەشۆ
نەواتەم ئەی دڵ دەخیلەن هاوار
وێت مەدەر وە مەیل هەر پەری ڕوخسار
جەژنن شادییەن، فەسڵی بەهارەن
هەر کەس پەی ویسال ڕووی دڵدارەن
چەمەن ئارایش جە ڕوخساری گوڵ
تەوافی دەورش مەکەرۆ بولبول
با بشین وە سەیر ئەی باغ و گوڵزار
عەیشەن شادییەن هەر کەس پەڕەی یار
موتریب جە لایی سەدای چنگەنی
ساقی سوراحی جە دەست سنگەنی
«خادیمناسناوی ئەدەبی» جە دووریت زامش وە ئێشن
قەزات وە گیانم دووریت وە چێشن