ẍezelî çwarem
Li pirtûka:
Dîwanî Xadim
Berhema:
Xadim (1895-1953)
1 Xulek
436 Dîtin
mîrzam wefatin, mîrzam wefatin
teşrîf bawero wadey wefatin
ce kulbey ḧuzna, ye’qûb sîfatim
çaweřêy serwî qed û bałatim
sa bawer teşrîf satê we yanem
wey yaney wêran sed car wêranem
ewasa dił bu ce dûrî bałat
we neqdî can bîm mişterî kałat
ahîr ce ciger ce laş ber meşo
şerare û dûkeł ce dił ber meşo
newatem ey dił dexîlen hawar
wêt meder we meyl her perî řuxsar
cejnin şadîyen, fesłî beharen
her kes pey wîsal řûy diłdaren
çemen arayş ce řuxsarî guł
tewafî dewirş mekero bulbul
ba bişîn we seyr ey baẍ û gułzar
’eyşen şadîyen her kes peřey yar
mutrîb ce layî seday çingenî
saqî suraḧî ce dest singenî
«xadîmNasnava edebî» ce dûrît zamş we êşin
qezat we gyanim dûrît we çêşin