وتم ئەی دڵ
لە کتێبی:
سروەی بەربەیان
بەرهەمی:
قانع (1898-1965)
1 خولەک
1253 بینین
وتم ئەی دڵ! تەمەللوق کە بە ئەحکاماتی یەزدانی
هەتا کەی ئارەزووی بێسوود لە دارولمیحنەتی فانی!؟
جوابی وا ئەدا کردم، وتی: ئەحسەنتە، نوتقت کرد
وەلێ بێ مورشیدی قابل، عیبادەت سەختە ناتوانی
لەبۆ تەعقیب حەکیمی دڵ گەڕام خەیلێ بە دنیادا
عێراق و شام و بەغداد و سەلاحییە و سولێمانی
هەتاکوو خاکی عەبداڵان، کە جەنبی شەرقی کەرکووکە
لەوێدا عالمێکم دی حیسامەددینی نوورانی
چرایە بۆ شەوی زوڵمەت، نەهەنگی بەحری تەوحیدە
عیمادەددینی مەحموودە و خەلیفەی غەوسی گەیلانی
نیشانەی عیززەتی وایە، خوا کاتێ کوڕی پێ دا
فەتاحی پێ عەتا فەرموو، بە سووڕەت بەدری تابانی
کە دەستی دایە پێنجتیر و سواری ڕەخشی گوڵڕەنگ بوو
چ مەردێ جەرگی زۆر سەختە، بوێرێ و بێتە مەیدانی
لە دەشتی ئیمتیحانا شەهسەواری تایەفە دەرچوو
وەلێ فایدەی چییە کوردە، زەلیل و مات و بوحرانی