کۆمەڵەی حەمد و سوپاس
لە کتێبی:
سروەی بەربەیان
بەرهەمی:
قانع (1898-1965)
1 خولەک
810 بینین
ئیختیساسی زاتی فەردە، کۆمەڵەی حەمد و سوپاس
پێی عەتا کردووین عەزیزم نیعمەتێکی بێ قیاس
ئەرز و ئاوی زۆری پێ داوین هەتا شوکری بکەین
نەک سەری عاسیگەری بەرزۆ بکەین وەک خوانەناس
غیرەتت بێ، مەسنەدت تۆزێ تەرەققی پێ بدە
کوردە ئامان! قەت مەبە ڕازی بە توونچی یا کەناس
کورد و خاکی کوردسانە دایک و کۆرپەی شیرەخۆر
کۆرپە هەرگیز قەت لە داک و بابی خۆی ناکا هەراس
دوێ لە خەوما هاتفێ زۆر وازیحی فەرموو بە کورد
بۆچ وەها بێدەنگ و ماتن ئەی گورۆهی خواشناس!؟
تا بە کەی ئەم جەهل و فەرقە؟ تا بە کەی بەزمی نیفاق!؟
تا بە کەی بێ قەدر و عیزز و، تا بە کەی بوون بێئەساس!؟
بێ نەتیجەس ئاهـ و ناڵەی قانعناسناوی ئەدەبیی سەوداسەرم
چونکە شێخ فەوتانی عەقڵی میللەتی ڕووت و کەساس