هامسەران نەسەب... هامسەران نەسەب...
لە کتێبی:
دیوان مولانا خالد
بەرهەمی:
مەولانا خالید (1779-1828)
1 خولەک
1113 بینین
هامسەران نەسەب... هامسەران نەسەب...
مەحبووبێم هەن، شای عالی نەسەب
ئیسمش موحەممەد، قورەیشی و عەرەب
ئەداش ئامینە، کناچەی وەهەب
تەمامی عومرش شەست و سێ ساڵەن
باب و با پیرش بێ تەرز و حاڵەن
عەبدوڵڵا، عەبدولموتتەلیب، هاشم
عەبدولمەنافەن، بزانەش لازم
نە کۆتا و نە بەرز، سپی و گەندمگوون
نە کەوتن سایەش نەڕووی دنیای دوون
بە وەڵەد بییەن جە مەککەی ئەنوەر
چل ساڵ چاگە مەند، بی بە پێغەمبەر
وە سێزدەی هەنی ئەو خۆر جەمینە
ڕاهی بی، کۆچ کەرد، شی وە مەدینە
چۆگە موقیم بی، تا موددەی دە ساڵ
مەرگش پەی ئاما جەلای بێ زەواڵ
بەرشی جە دنیای فانیی بێ بنیاد
ئەبلەهـ کەسێوەن دڵ پێش کەرۆ شاد
سەد و بیست و چار هەزار پێغەمبەر
سێسەد و سێزدە ڕەسووڵ ڕەهبەر
ئیبراهیم و نووح، مووسا ئولوولعەزم
عیسا و موحەممەد بزانەش وە جەزم
سەییدولکەونەین، خەتمولمورسەلین
جە ماسیوای حەق بیهتەر جە گردین