hamseran neseb... hamseran neseb...
From the Book:
Diwani Mawlana Khalid
By:
Mawlana Khalid Sharazuri (1779-1828)
1 minutes
1158 views
hamseran neseb... hamseran neseb...
meḧbûbêm hen, şay ’alî neseb
îsimş muḧemmed, qureyşî û ’ereb
edaş amîne, kinaçey weheb
temamî ’umirş şest û sê sałen
bab û ba pîrş bê terz û ḧałen
’ebdułła, ’ebdulmuttelîb, haşim
’ebdulmenafen, bizaneş lazim
ne kota û ne berz, sipî û gendimgûn
ne kewtin sayeş neřûy dinyay dûn
be wełed bîyen ce mekkey enwer
çil sał çage mend, bî be pêẍember
we sêzdey henî ew xor cemîne
řahî bî, koç kerd, şî we medîne
çoge muqîm bî, ta muddey de sał
mergiş pey ama celay bê zewał
berşî ce dinyay fanîy bê binyad
ebleh kesêwen dił pêş kero şad
sed û bîst û çar hezar pêẍember
sêsed û sêzde řesûł řehber
îbrahîm û nûḧ, mûsa ulûl’ezim
’îsa û muḧemmed bizaneş we cezim
seyîdulkewneyn, xetmulmurselîn
ce masîway ḧeq bîhter ce girdîn