نەوەی کوردم
لە کتێبی:
گوڵاڵەی مەریوان
بەرهەمی:
قانع (1898-1965)
1 خولەک
1241 بینین
هەموو کەس شارەزای من بێ، کە شێر و شێرەزای کوردم
بە دایم گوە بەراوازی، دەلیل و ڕەهنومای کوردم
خوا نەیکا ئەگەر دەردێ زوهووری کرد لە کوردستان
وەکوو قۆچ خەلیلوڵڵا، بە قوربان و فیدای کوردم
فیدایی من لە بۆ کوردان، خوسووسی قەت نەبینراوە
بچووکی بەگلەر و شێخ و مەلا و شاهـ و گەدای کوردم
ئەجەل دەستی من و داوێنی تۆ فریا کەوە زوو بێ
بە خۆم و ڕۆحمۆ حازر، لە بۆ دەفعی بەڵای کوردم
چ باخێ پڕ لە گوڵ، هەرگیز نەبینراوە بەبێ بولبول
منی سەودازەدەش وەک بولبولی شاخ و چیای کوردم
لە خزمەت با بەجێ مابم، بە تەیرێ هەر ئەبم مەعلووم
کە وا بوو، هودهودی شەهری سلێمانی سەبای کوردم
لە سووتانا چ بێ باکم، کە چۆن پاش مردنم قانعناسناوی ئەدەبی
لە چاوی ئەهلی دانشدا، وەکوو ڕۆح تووتیای کوردم