ماسیگرێک

لە پەنجەرەی ڕۆژانێکی بەفرینەوە..
پۆلەمراوی کێویلەی نیگای هەڵئەفڕین و
ئەنیشتنەوە بە سینەی پانی دەریای شینەوە
ئەو مرۆڤەی دەستی لە جەرگی شەپۆلا و
تۆڕی ڕەنجی لە کۆڵا بوو..
کەوتە بنی نائومێدیی و
گێژاوێکی دێرینەوەشەپۆلەکان تابووتی بوون..
ناڵە و هاواریان هەڵمژی
کەنار ڕەشیی بۆ نەپۆشی..
ئاخ تەرمەکەی بۆ نەکەوتە سایەی درەختێکی سەوز و
مەزاری ئاو..
سەری هیوا و ئومێدی خستە ناو کۆشی!لەسەر تاشەبەردی کەنار مێشکی پژاو
شەپۆلەکان لە خوێنی ئەو..
کراسێکی ئاڵیان پۆشی
لە چاوتروکانێکیشا.. ئارام و هێدی بوونەوە..
بوون بە چەپکێ گوڵی سپی
لەسەر لمی ڕۆخی گەرمیش
دوا شوێن پێی ئەو سڕایەوە
دەریاش سەری خستەوەژێر باڵی کپییلە کەنارا.. چەند جار گۆرانیی چڕیوە و
تۆڕی بۆ ماسی هەڵداوە!
پەنجەرەی ڕوانینی ئەمڕۆ ڕەش و تەڵخە..
ماسی دەوری تەرمیان داوە