خواپەرستی
لە کتێبی:
گوڵاڵەی مەریوان
بەرهەمی:
قانع (1898-1965)
1 خولەک
2408 بینین
وەرە، باوەڕ بکە، کوردە! خوایە خالقی دانا
بە تەنیا لەفزی کاف و نوون جەمیعی ماسیوای دانا
ئەوەندە ڕەحمەتی زۆرە، گوناحی وەحشی مەحوو کرد
ئەوەندە خاوەنی قەهرە کە دینی سەند لە بەرسیسا
لە سفرەی نیعمەتی تێرن، تویوور و جننی و ئینسان
لە خەتتی ئەمری دەرناچن، سەما و هەور و خاک و با
نموونەی شیددەتی قەهری خوایە ئاگری دۆزەخ
نیشانەی لوتفی یەزدانە، بەهەشت و کەوسەری ئەعلا
کە مەیلی بێ بە بتتاشێ ئەدا کوڕ میسلی ئیبراهیمکەس
وە یا کوڕ نووحکەس بە بێ دینی ئەخاتە غەرقی نجَّیْناعەرەبی
لە بیم و دەهشەتی خوایە کە ئاو ساتێ سکووت ناکا
بە بێ ئەستوون هەڵی داوە لە سەرمان گونبەدی خەزرا
وە یا تۆ عاقڵی و لازم بە وەعز و تەربیەت ناکەی
بە ئەقڵی خۆت تەماشا کە لە سونعی ڕەببی بێ هەمتا
ئەگەر خۆت دڵڕەقی و باوەڕ بە شیعری قانعناسناوی ئەدەبیی ناکەی
لەبەر تەسکینی قەلبی خۆت، بڕۆ پرس کە لە لای مەللا