cût û ga
Li pirtûka:
Dîwanî Şêx Nûrî
Berhema:
Şêx Nûrî Şêx Salih (1896-1958)
2 Xulek
539 Dîtin
şarezûr takû biłêy cêgeyekî berdare
xołî zîw, awî bedêraw eřjênê pare
kurde to boçî ełêy: řûtim û bê lane û ban
xawenî cût û małat û meř û řan û şwan
bayî taranîyeke wêjebere û asneket
pare derhênere lew erze řeqe gasneket
ewî pêwîste le cûtê, hemû darî beřuwe
nîr û hewcař û neqîze û kełeme û desteduwe
werdî parit hemû ałtûne, be hoř û be cewał
wişke werdit heye, qet natewê deẍłî teřekał
tow ekey bew zewîye dêmewe tawextî pełe
şîn ebê, dan egrê, nek yekê, bitbê de pełe
zerd ebê wextî direw dê, eçî boy egrî sepan
direw ekirêt û ekêşrêt û ebête xerman
biřo gagêrey tê beste, şenî ke beşemał
hořî lê dagre, derkî bidrû, bîkere çał
bêyne ser basî meř û mêgelit, bot ekirê le şîr
řon û do, mast û kere, keşk û firo û pêste penîr
beře û hořit xurî, çîẍ û dewarit le muwe
çakî lê wirdibîyewe, hîçî bepare nebuwe
her le bergin ekirê, xurc û ferencî û lakêş
dête berdestit bexořayî, bebê ’areq û êş
kute cawî şiřî xote, eçî eykey be kełaş
le merez buzû eřêsît û eşîkey be kewaş
nakřî şit lem û lew, ger bitewê ta emrî
hemû bot řêk ekewê, komeł ebê her le xurî
şok û doşawî gezot bo egrê darî beřû
etewê pare peyakey, be ketîre û mazû
řezeket, ger bitewê parey lêşawî heye
mêwij û basûq û tirê û hîzey doşawî heye
çi biłêm pûş û belek, çîlke û zel, lîjneyî dar
eçî eyhênî be barî ker û eynêrîye şar
hemû edrê beşt û mek, be kelupel bo mał
řa’ebwêrî bedłî xot û minałit hemû sał
melewanim lebnî gomî zimana be hezar
nawî kurdî der’ehênim be cewał û be xerar