kurde řojî ẍîrete
Li pirtûka:
Dîwanî Zêwer
Berhema:
Zêwer (1875-1948)
2 Xulek
878 Dîtin
kurde řojî ẍîrete, lem řoje wîcdanit bibê
to, ke îslamî şukur, kirdey musułmanit bibê
kurde! nawit kewte naw nawanewe, gwê řagre
lazme bo toş bedaym kirdewey cwanit bibê
derḧeqî hawşehrîy û hawmezheb û hawdîneket
îqtîdarit ger heye în’am û îḧsanit bibê
des le bê însafî hełbigre eger merdî benaw
řeḧim û însafit legeł zumřey feqîranit bibê
ger qesabî ya beqałî, ya ’elafî ya tucar
xot bele’net qet meke baweř be qur’anit bibê
çend hezar dînar ekeyte mesrefî qesir û bîna
baweřit bê bo de dwazde sałe îmanit bibê
pareket wa bû bebarê lîre to naybeyte goř
şerte bo řêgey qyamet toşe û nanit bibê
kurde qewmî to zelîle toş be sewda meykuje
mîlletî xo xor mebe exlaqî însanit bibê
gird û deşt û kêw ekêłî se’î ekey bo çarekê
yek deqîqeş yadî çûne girdî seywanit bibê
takû mumkîn bê diro û nařastî û ẍeşişt nebê
řûy xendan, xułqî merdan, fikirî çakanit bibê
kasbî û qazanc û têkoşîn pesendî ’aleme
nek becarê pişt le ḧeq key meylî şeytanit bibê
ta, be ummêdî wezîfey, ey cwan her řasîbî
’eşqî ’îlim û meşqî ḧîlim û şewqî ’îrfanit bibê
’îlme etxate meqamî berz û cêgey îftîxar
’îlme bot nêzîk eka ger fîkirî keywanit bibê
sałî se’î û ẍîrete sałî wefa û řeḧmete
to ke neybexşî çi sûd mułkî suleymanit bibê
nwêj û řojû û ḧec û ’emre nef’î her bo xot heye
xot le penca new’ exoy, yadêkî cîranit bibê