leser şêwey hewramî
Li pirtûka:
Dîwanî Zêwer
Berhema:
Zêwer (1875-1948)
1 Xulek
805 Dîtin
new behar bezmen...
perê ’uşşaqan! new behar bezmen
xoşîy derûnen, seyranen, řezmen
’alem diłguşa ahengiş ’ezmen
geşt û guzarî serûy yaranen
naz û nezaket ’îşwedaranen
cebîn guł çinan mesten xeraben
bê hoş û serxoş cur’ey şeraben
şeřen, aştîyen, řazen, nyazen
wirşey şewqî nûr ’eynî îcazen!
’alem bergî sewz poşa seraser
yekser cenneten seḧra û deşt û der
qehqehey kebken we her herdewe
neway bulbulen baz we derdewe
zarî ’aşiqan nazî nazdaran
saqî mey řêzen ce bezmî yaran
nêrgis dîde mest lale řeng sûren
guł mesnednişîn bulbul řencûren
tîp tîp û řem řem xoşfen ẍezalen
şoxen şîrînen, ebro hîlalen
şewnim çun lu’lu’ medrewşo ce dûr
çiman gewheren ya ne qetrey nûr
«zêwerNasnava edebî» arezûş wesłî diłdaren
ẍafił ḧezînen fesłî beharen