kuř ebê çon bê?!
Li pirtûka:
Şaxî Hewraman
Berhema:
Qani (1898-1965)
1 Xulek
946 Dîtin
kuř ebê cêgey şax û bin berd bê
řeng zerd û zayf henase serd bê
xembar û peşêw sersam û bê řeng
bê keyf û demax wek neqşî řwî seng
wek piłing çabik, wirya wek řeşmar
be zahîr serkiz wek merde murdar
mirdin û jyan le lay yeksan bê
bo be cêmawî pîşey giryan bê
zor çak têkoşêt bo berzî hozî
xo bikat be qurban bo xakî kozî
heta etwanê des hejar bigrê
sard nebêtewe hetakû emrê
ceng laba le naw biraderanî
aştî xate beyn kes û karanî
hênde têkoşêt çak xwêndewar bê
le řêy azadî ziring û hoşyar bê
wiłat nefroşê bibê be casus
pare wernegrê le batî namûs
xoy piław nexwa û biray nanî co
fason nepoşê û birakey peřo
xemî têkeław xemî yaran bê
piłingî nebez le řûy meydan bê
jyanî gelî neda be pare
leser ḧeq biřwa bo jêr qetare
zîndan le laya bax û bêstan bê
berzî ya nizmî lelay yeksan bê
ewsa pêy ełêm, kuřî cwane
şêrî bêçwe şêr, bêşey nîştimane