fełek bar derd

Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
 2 Xulek  591 Dîtin
fełek bar derd, fełek bar derd
takey bikêşim sizay barderd
wehar da nih tepił, zimistan wiyerd
takey cewr derd řengim kero zerd
merpêt neyawan dûd ah min
henasan serd seḧergah min
şîn şewnałîn namoradî min
girey korê dił dûrce şadî min
kizey zox xem nadyarî min
qirçey ustoxan, derd karî min
mer min ce’umet mostefa sewam
çon sikey xarc qełbî nařewam
min peykoł neřay resûł neşendim
nedanim pey adem, gewahî gendim
karê namşiru’ nama cedestim
pey qetił qatił kemer nebestim
kuffarê kafir nekêşam neşar
zekeryam nekoşt bemewday mişar
nekerdim kofran ma’îdey ’îsa
xetakar nebîm wêney «birłîła»
bar neft û nar nemrûd nepaşam
mencenîq pey merg xelîl netaşam
naqey sałḧim weserqet neberd
mînakarî text fêr’ewnim nekerd
tîrim riştey hûn nama ne daman
foratim nebest neřwî êmaman
çenî qewmê lût mey noşîm nekerd
pey qetłê ḧoseyn serguşîm nekerd
řay ke’bem negêrit neřûy ḧacyan
têẍ nedam neferq firqey ḧacyan
ragey ’etebat nekerdenim bend
bacim ne’azim řay necef nesend
fełek min peyřew dînê nebî bîm
çend sał nepey dîn min mektebî bîm
bê raz wibê ’eyb, bê kofir û kîn bîm
ḧeqîr mezłûm řûy serzemîn bîm
ḧeq wêş gewahen nimek şinas bîm
ḧekakê pirkar xewasê xas bîm
er sizawarim ’êtabim ta key?
er musułmanim, ’ez abim ta key?
ba řeḧmet beyo wecestew ḧałim
nałem cêt wiyerd ta key binałim
be ḧacetî nûr şay «xîralbişirErebî»
bibexşem be nûrşefê’ meḧşer
herçend min ’asî me’syet barim
belotif yekta umêdwarim
xalq, to qadir bendey ’ebdê tom
nederganey to her’êden ercom
ne cormê «eḧmedNasnava edebî» bûyere qadir
herçend gonahan lêş byen sadir