xelqan herasan bê qerarîmen
Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
1 Xulek
663 Dîtin
xelqan herasan bê qerarîmen
her şew ta be řo şîn û zarîmen
çim necay esrîn zoxaw cêş mişo
kafir wecestem bez’îş meyo
nêş mujey tom dił kerden parh
wedewaw derman nimebo çarh
merqetrey ’ereq pay beyan zerd
çenî noxtey xał, fîrozey bê gerd
çenî tay kełaf moşk ’etir amêz
xeyatey bê xewş ga syaw, ga dêz
bikyane perêm ḧûrî zadey ḧûr
perê beqyey zam nesiriftey nasor
diłsozan beyan cehozanewe
cay nêş mojet bidozanewe
noxtey maway xał ’etir lîmuwan
merhemen pey zam cestey natewan
dił kero xełas ce êş zamit
werinh her be son ta řoy qyamet