tilû’ ker ce no
Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
1 Xulek
828 Dîtin
tilû’ ker ce no, tilû’ ker ce no
fêday tel’etit, tilû’ ker ce no
her kes we şêwey ’eşqit pey bero
şêten ce ’eşqit lomew min kero
bew şêwey şîrîn kê bo celay to
neda fam û hoş meger weḧiş ko
tay zułifit ne pay ebrut pexşan kerd
esrîn, damanim we bedexşan kerd
weboy nesîmş neş’e bîm weşad
esłen rûy dûrîm nemana weyad
demaxim serweş çun sewzey sawa
keyfim ser wepay fełek mesawa
naga pîşanî dił daş û hemda
peyapey esrîn amam we çemda
azîz ye efsûn mehcûrî to bê
ye mułkê narê řûy dûrî to bê
hey řay ḧeyatim tuřřey dîde mes
hay, ne kerde but wernedey ce des