şîrîn zoḧaken

Li pirtûka:
Dîwanî Eḧmed Begî Komasî
Berhema:
Eḧmed Begî Komasî (1795-1877)
 2 Xulek  688 Dîtin
şîrîn zoḧaken şîrîn zoḧaken
maranit çun mar doş zoḧaken
sewday deycûrî ḧosinit celaken
«la texifErebî» ne xewf meḧşer berpa ken
nazokî ebroş ayey «laftaErebî»n
mersay qews seyf bołend hêmmetan
dîde, dîdey ceyr nexoten çerde
niga çon şabaz şikaran kerde
şamaran dû tîp sipay şer engêz
ser bał şemqař qezacwî tondixêz
bînî neqiş kêlk ustad qedîm
pey zînet kerden sîbê we dûnîm
bał dewrsîb sîm sadey xas
ḧey wiçan pêwe byen wireqas
be şinoy nesîm zomrey ḧey taran
hucûm mawero wepay şamaran
ga, mişyan weser serçeşmey zemzem
ga ḧełqe medan ne ḧewałî dem
dem ẍonçey nazk řewzey řizwanî
keylen ce loloy yaqût kanî
dendan duřdane ne penay yaqût
gencînen ya dem, yaqûten yaqût
boy nefes nesîm ’îsay řoḧanî
eḧya kero cêsim sed sałey fanî
şefeteyn, şifay derd bîmaran
merhem perê zam xatir z garan
xałê cagêrten ne ḧewałî dem
çun hêndû beçe ne dewr zemzem
ew xałe ba’ês şîn bê şomen
weswasey şewan pejarey řomen
her ew xałe bê, qeysKes berd weseḧra
sen’anKesş kêşa weřay kilîsa
boy ew xałe bê weşîr û yawa
laḧeya sîney xosrew şikawa
topey zinc ne terḧ şemamey tiła
tiłay taze qał xasey peř cela
pêwe medroşo zinc û sîm û zer
mer şewqê koy nûr coqey şay qecer
gerden çun gire, mîl ce moẍaran
selec seyqel saf, sadey kosaran
sîma û sîne û bał bahûy ceyr û mem
çun çil çiraxan şewq mido wehem
naf, tecirbey des, ḧekakî qedîm
qitûy me’cûnat erestûy ḧekîm
welḧasił ne ferq ta ke’bey řecleyn
’eyb têda nyen û gerdenim deyn
yařeb be ḧacet şay buraq swar
şîrîn meḧfûz key ce dîdey bedkar
herkes camê mey newdem binoşo
xizir asa, berg eḧya bipoşo
«eḧmedNasnava edebî» ta zênden her do’a gûşen
medhuş şemał ’etir gîsûşen