textebend

ew tirîfey mangeşewey
ke şî’rêkim dabûy le qijî dirêjit
destim bird û
behêwaşî lêm kirdewe.
ew şepoley ke çîrokêkî zor kurtim
wekû piştên le kemertî ałandibû
destim bird û
behêwaşî lêm kirdewe
ew kirasî awdamaney řomanêkim
kirdye berit
destim bird û
hêdî hêdî
ewîşim leber dakendî.
şajnî cwan!
be tenha her ew textebendem hêştewe
ke şanoyekim kirdibûy
be çirpay xewî herdûkman.