fiřîn

le serewe mangeşewê bawêşkî da
le xwarewe kanîyek nûst!
lew berewe lûtkey şaxê bawêşkî da
lem berewe nizarêk nûst!
ke sengerîş lew lamewe bawêşkî da
le gîrfanda qełemim nûst!
girmey hewr mangeşewî daçłekan û
kanîy hesta
ziryan lûtkey řaweşan û
nizar řa bû
ke pêşmergeyş dîsan sengerî girtewe
xistyewe serpê tifengî
qełemî minîş řapeřî û
hełoy şî’irim berz berz fiřî!