hawřê

seretay hemû payîzê
wextê pol pol ew melaney
be dway ’eşqî germesêrda
řuwew başûr koç eken û
cêman dêłn.
ew řojane
lenaw baxçey ajełekanî bakûrda
serinc biden
ebînin wa awełî ew bałindane
zîndanîyekan
zîz û matin
çawî be firmêsk heł’ebiřn
le ’ezreta singî xoyan
be başûrî
hêlane û şîşî qefezî
baxçekewe enûsênin.
ew řojane
gwê řabgirin gwêtan lêye
ew awełe zîndanîyane
be bê wiçan bo dirextî
germesêrî dûr exwênin!