kuřî babeguřguř

řêge çoł ken, hestine ser pê!
wa espêkî sipîy yał sûr
le pêdeştî kerkûkCihewe
eḧîlênê û bo êre dê!
ey espekey tewêł maroy germyanim!
ewey befir û
giř û şepolî nasîbê,
ewey şimşêrî birûske û
ba û boranî kêwî dîbê
to enasê!.
ey řeşebay le paşkoda xor swarkirdû!
ewey carê
gułałesûrey çaw řeşî
- řeḧîmawa- û
mindałanî ser qoçketaşî «leylan» û
kêłgey birsîy- duz-y dîbê
to enasê!
* * *
ko binewe û hestine ser pê
ser hełbiřn!
bazêk şełałî xwênawe û
tozêkî tir
bem naweda tê’epeřê!
řwew qendîlCih
be ser hewrazî şexteda
nizim efřê
heta egate ser lûtke û
eçê lewê
le pełe xwênî «nazim»da
behêwaşî řa’ekşê
* * *
řêge çoł ken, hestine ser pê!
ziryan: givey win kirduwe û boy egeřê.
germyan kûrey kaweKesye û coşdirawe
temaşa ken:
her çî girdołkey pêdeştî leşcinrawe
wekû daykanî wiłatim
biniçkî qij û egrîcey gij û gyayan
le milyanda ałozkawe!
* * *
mameřîşeKes!
ey piłingî çing be giřî germyanim!
beytî tazey tuḧfey emřoy kurdistanim
le małanî gund be gundî hełqirçawa
to qutîlekey ber heywanî
dasî dirwêne û, hetawî
ser banîjey zistananî.
mangeşewî. hêşûy řezî.
hajey çem û
wijewjî daristanî.
agirî şwanî.
wekû baran
wekû kanî
wek deẍłudan
xoşewîstî
to kuřî babeguřguřî
dastanêkî sedey bîstî!.