taze
Li pirtûka:
Siruşt û Derûn
Berhema:
Goran (1904-1962)
1 Xulek
1609 Dîtin
ke şew hat û perdey řeşî kewte ser
cwanîy tebî’et, keju deşt û der
hemû nûst, hemû mird, kiş û bê eser:
sema, taze cîlwey sitarey nezer?
ke gułbax, nêrgis, zemeq, yasemen
hemû nuqmî beḧrî temî em şewen?
hîlakî giruşmen, wenewzêk eden:
sema, taze cîlwey sitarey nezer?
ke kip bû qeraẍî çemî piř le qaz,
leser řûy nema zînetî îhtîzaz;
leser lêwî laçû bizey nûrî naz:
sema, taze cîlwey sitarey nezer?
ke dił kewte naw dozexî derdewe,
ke ’îşq û şebabî, xwa birdewe,
giřî şa’îrîyet ke damirdewe:
sema, taze cîlwey sitarey nezer?