tedrîs û teqdîs temcîd bê dengen
Li pirtûka:
Dîwanî Mewlewî
Berhema:
Mewlewî (1806-1882)
2 Xulek
1181 Dîtin
tedrîs û teqdîs, temcîd bê dengen
ḧesarey teqrîr tewḧîd bê řengen
parçey te’lîfat şêxî muhacirKes
giranen, nîyen mişterî û tacir
kişif aliẍtaErebîy sedir muḧemmed cesîm
ẍunçey neşkuften bêşnoy nesîm
bênazen kîtab ’etay dewleteynKes
yend řêzan qetrey xum ce ’eynî ’eyn
tefawit nîyen têşda ce mabeyn
şubhey şîn û sîn mîslî ’eyn û ẍeyn
bał nimedo teyr teḧrîr we hemda
ga we řûy řomda, ga we ’ecemda
umenay dewłet ce girdîn lawe
ne întîzaren çem ne řûy řawe
tewanay wanay ferman nemenden
çeper bê cwaw, xeber pa benden
sehlen bînayî dîdey me’dûmNasnava edebî send
daxim her îden ax pey yaran mend
bełam kên bido ney řaguzerda
şan we şanî şêr qezaw qederda
meḧbûben herçî muqtezay qezan
merẍûben celay her kes pêş řezan
her şêrê ce şîr şêran şîr werden
gerden pey zincîr teqdîr keç kerden
barê eger hewr eltafî barî
pey mededkarî we diłda barî
dîdey ser er şî dîdey siř kafîn
êd day munafîn ew deway şafîn
êd wezîfey gił, ew letîfey dił
ew çûn menziłen, êd bêçûn menził
ew beqaş nîyen, fenaş taqîyen
êd ’etay taqî û baqî û laqîyen