carêkî tir «simko» naçêtewe ser xwanî mirdin!

be horey tifengî karwanî bin binar, lûtkekan:
estêrey pişkoyan
řijane naw çawî beyanî befrewe.
çemekan, berzepê hełsan û hełgîrsan.
espekan le bêşey agirda, awdiran.
horeye, wa «şukak» řeşeba zîn ekat
be qaçî gerdelûl,
awzengî lafawî bałgirtû lê edat!
horeye, horeye
eşkewtî gwêy şaxî be misî tarîkîy axniraw
wa berbû kewte ber
tewjimî řûbarî xoretaw.
horeye, wa «şukak» řeşeba zîn ekat
be qaçî gerdelûl awzengî
lafawî bałgirtû lê edat.
řeg ebê çoẍey jan leber kat
bo ewey leberda guł biřwê.
aw ebê xoy tał kat bo ewey
pelupoy tînûyetî, xor bigrê!
seyrim ken! be řimî nîweřoy daxkiraw le destima
çon serî mirdinî em şewe heł’egirim.
seyrim ken! em care beydaxî
mergî xom, heł’ebiřim
mil enêm, be řêgey dozexa bo beheşt
mil enêm
ẍar ekem, kilkî ẍar
kiłafey çexmaxey serpiştî kêwane.
ẍar ekem, deştekan legełma ẍar eken
ẍar ekem, supakan leberma bar eken!
ke azar taw edem le dwawe birînim toz eka!
ke ciłew bo hore şil ekem
le řêgay «qetar»da
řêbwarî henasey ḧeyran û lawkim, pê ega
bimbînin! min mangî dizrawî
asmanî kurdistan dênmewe.
bimbînin! min kotrî torawî
çawanî dezgîran, dênmewe
seyrim ken ezanin, tewnêkim: tołetan çinîwmî.
seyrim ken tê’egen, pirsêkim: weramtan bînîwmî
řeg ebê çoẍey jan leber kat
bo ewey leberda guł biřwê
ey swarey pêşengî karwanî birûske!
ber lewey taw bidey be azar, pirs ke,
pirs ke lew dengey le gerûy mêjûda pêkirawe
pirs ke lew awey le awa xinkawe.
pirs ke lew giřey le giřa sûtawe.
min çemî «xuřxuře»m kirduwe be demî
derbendî «qutur»da
hewarî «çarye»m le gomî wirmêCihda hełdawe
heyasey «zozan»m le piştî seqizCiha bestuwe
le sabłaxCih şayîme û destim le sineCihda girtuwe!
dîwarî awêney ew xwênem:
ke qijî newrozî leberda dahênam
pencerey birînî ew jûrî xurşîdem,
ke namey firmêskî xawerî bo hênam.
seyrim ken! ezanin: çon tawêr le lûtkey çyada
ewestê û nakewê
seyrim ken tê’egen, çon řûbar
le koşî wenewza şekete û naxewê.
řeg ebê çoẍey jan leber kat
bo ewey leberda guł biřwê!
ey simkoKesy pêşengî karwanî birûske
bweste û sił bike:
«taranCih»y pişîle, xoy le kam şan û mil heł’eswê?
paytextî pişîle, nayete ser řanî gundî to!
çiřnukêk, dû çiřnuk, de çiřnuk!
nêłenêł nizarêk le singima sûtanî lirfey dê
ey pûşûy pêdeştî xemekan de bîgirin!
hajehaj lafawê le serma hewałî girmey dê
ey pirdî berbestî êskekan, meygirin!
seyrim ken wa hewretrîşqey
jêr simî espekem
samnakîy eřwênê.
seyrî ken ewa şabeydaxî serispî,
bepîrîy beydaxî sûrmewe ehênê.
seyrim ken min masîy gomêkim, toř egirim!
seyrim ken ezanin çon birîn tîẍ ebřê!
seyrim ken tê’egen çon giryan guł egrê!
tînû bûm, aw geřa be şwênma û
hate lam.
hewîrî nanê bûm
agir xoy girtimî û pêwey dam!
ey simkoy pêşengî karwanî birûske
sił bike, sił bike, sił bike!
çiřnukêk, de çiřnuk, sed çiřnuk
meçore ser xwanê ke mirdin le seray
«şinoCih»da řay’exa.
meçore ser xwanê kewçkî qapî xoy
daẍ eka!
ey simkoy pêşengî karwanî birûske
mîwanî xwanêkî ke nanî jehrawî
êşkiçîy jûrêtî û westawe
meçore ew małey ke şêwî tawanî
le serî biřawda lênawe.
meçore ber kełbey tifengê qonaẍî xoy bixiwat.
meçore ser banêk cinêw be binaẍey xoy bidat.
meçore ser ferşî gumanê
ke serheng le seray mirdinî şinoda
řay’exat.
ey simkoy pêşengî karwanî birûske
sił bike, sił bike, sił bike!
*ta «şino» cê dêłim
řê edem çekekan: serew xwar be şanî kiřbûna,
hełwasin!
ta şino cê dêłim
řê edem zamekan çeqokan binasin!
ey swarey pêşengî karwanî birûske!
řê mede, sił bike, řê mede, sił bike!
çiřnukêk, de çiřnuk, sed çiřnuk!
be horey kejawey giryanî bin binar, lûtkekan:
qetarey firmêskyan
řijane naw çawî ḧeyranî şewewe.
çemekan nûstin û lafawî lawkekan: nîştinewe.
espekan: ciłewî ḧîleyan
be mêxî tarana, bestinewe.
awzengî: colaney mangêkî kujrawe.
qaçekan be sikî janêka enûsên
ke nêze lenawya serçopî kêşawe.
horeye, be řîze, wa serî hełkenraw
be pirdî «şino»da
giłopî xwênêkin be řojîş esûtên.
seyrî ken ezanin bo çawî karêzî hełbestim
lêł buwe.
seyrî ken tê’egen, bo hore û qetar û ḧeyran û lawkim
wêł buwe!