diłan eba be tałan çawanî piř xumarî
Li pirtûka:
Dîwanî Zarî
Berhema:
Zarî (1905-1982)
3 Xulek
660 Dîtin
diłan eba be tałan çawanî piř xumarî
şikist eda be sosen be ḧusnî bê şumarî
xermanî muşkî na jêr goşey kiławî larî
dugmey yexey tiraza derkewt dû henarî
feryad û nałe kewte nêw ’aşiqanî zarî
niqabî da le perçem be tel’etî qemerda
be qametî şiksitî be seru û neyşeker da
geşawe narî şewqî le qelbî piř şererda
le toy şewî syawe şefeq beyanî berda
tilû’î kird xurşîd le hewrî muşk barî
şemî gonay derxist le bezmî diłberîda
sewadî muşkî çînî be zulfî ’enberî da
be taqî ebrwanî le wesme zîwerî da
kewte tewaf ’eqreb be dewrî muşterî da
be har hat û sersam, sefay lalezarî
zulfî biław û xawî dawî bełaye bo dił
lem dawe xawe řêgey necatmane muşkuł
le burcî diłberîda girtûye yar menził
ẍunçe ke hate xende şikanî qîmetî guł
awî ḧeyat eřjê le le’lî abdarî
bełê ke řoj hełbêt ebê suha nemênê
yosifKes ke bête bazař ’ezîz ew esênê
legeł şîşey guława guław nanwênê
be naz û ’îşwe çawan sosen eger hełênê
ebê wenewşe daxa serî be şermesarî
ẍunçe gułî le nêwan peřend û peřnyana
cwan û diłřuba wek perwîn le asmana
be řesmî nazenînan le seḧnî gułistana
xeramî da be serwî le bezmî ’aşiqana
feday serwî qeddî sed serwî coybarî
birînî dił besoye zexmarî tîrî toye
mecnûnKesy wêł û nakam ferhadKesy řenceřoye
seylî xwênaw û zûxaw carî mîsalî coye
le burcî ’eqrebaye hîlalî muşk boye
meşhûrî ’ame emřo diłim be bêqerarî
berî henare, sêwe nemamî qametî yar
narince, piřteqałe welê le sîmî ’eyyar
dû kułmî dû gułałey řewneq fezay gułzar
ezanî çone wextê ’ereq exate řuxsar
şewnim ke dête ser berg gułanî newbeharî
be nûkî naz wiẍemze řîşey ḧeyatî hełkend
hoşî le hoşyaran be nazî nergisî send
behay mułkî çîne le lêwî yek şekerxend
le cennetî ne’îma teła be le’le peywend
biřwane bo çep û řas dû bedrî goşwarî
girpey giřî derûn û hajey firmêskî xwênîn
beşî minî hejare le geł fuẍan û nałîn
leberçî zîze lêman leserçî hate ser qîn?
êmey ke dête berçaw exate tel’etî, çîn
ḧesarî dewrî çîne, sipahî zengibarî
aramî gyan û şadî diłey besoz û kułmî
mayey ḧeyat û qûtî řewan û hêzî diłmî
biřwane lêm heta key mayl be cewr û zułmî
wextê ke zulfî lada le ser çiray kułmî
perwane kewte perwaz bo řeqis û can nisarî
em ḧusne diłfirîbe kewa le řûy yara
be naz eger guzer ka demê be lalezara
guł ser exate berpay legeł sed îftîxara
sed kareba be qurban ew gerdine dił ara
ew pûş ebat û xaşak, em fikir û hoşî «zarîNasnava edebî»