ey kemer zeřîn kemerçîn came diłber leb şeker
Li pirtûka:
Dîwanî Zarî
Berhema:
Zarî (1905-1982)
2 Xulek
805 Dîtin
ey kemer zeřîn kemerçîn came diłber leb şeker
nazenînî gułbeden sûřet perî tel’et qemer
mehweşî gerdin bilûrî diłřifênî sîm ber
can nisarî gerdî kewşî pat ekem řojê eger
perde lew řuxsare ladeyt û be ’îşwe bîte der
cejne řojî ’eyş û bezmî ’eşret û azadîye
çawî mestit bo legeł min maylî bêdadîye
her kesê emřo legeł yarê xerîkî şadîye
çun eto şîrînî emnîş arezûm ferhadîye
ger wekû pîroze carê sêberim fiř deyte ser
ademîzadî perî ya ḧor ya mange şewî?
dił be umêdî dîdarî to be şewqêkî qewî
hate ḧeqłey bezmewe bo dersî ’îşqî xusrewî
’eskerî birjangî to bû wek wezîfey pehlewî
daye ber şestîrî naz û tîrbaranî nezer
’aşiqit wa gyan eda bo maçî xałî berdemit
keştî aramî şika wa kewte nêw beḧrî ẍemit
peřtewî řûtî ke dî dił bû be perwaney şemit
bulbulêkî nabełed bû kewte ḧełqey perçemit
ta qyamet muşkułe řêgey necatî bête ber
min be sozî narî ’îşq û eşkî wêney seylewe
to be zerdey pêkenîn û xatrî bê meylewe
bem ciger birjawîye û sîney le sewda keylewe
řû le sara mîslî mecnûnim be tasey leylewe
’aşiqî to ’aqîbet seḧra ebê bigrête ber
dête ser coge be şewq û şe’şe’ey řûxsarewe
mangî tabanî ełêm ya řojî dête xwarewe
sa le řûy nazo be xendey lêwî şekkerbarewe
bêje ha maçê be kwêrî ḧasd û eẍyarewe
ba nemamî arezûy salarî «zarîNasnava edebî» bête ber