lem şewî hîcreda meger bedre şu’a’ edatewe
Li pirtûka:
Dîwanî Zarî
Berhema:
Zarî (1905-1982)
5 Xulek
474 Dîtin
«le wesfî meḧbûbda wêjra, wekû gewher be yexe û dawênî ’aşiqana řêjra»
lem şewî hîcreda meger bedre şu’a’ edatewe
řoje tilû’î kird? ya ḧebîbe la ekatewe
be xak pay ’erz ken le řûy îltîfatewe
be perdedar emir ka ke perde danedatewe
dergay mîhir û merḧemet le ême danexatewe
gerçî le bezmî wesłeda her tarî zulfe ’eqrebê
ẍeyrî wîsał nîme min le herdû kewn metłebê
sûtawî awrî ẍemî fîraqî êwe key ebê
be awî wesił teř bika be arezûy xo lebê
şefay zexmî sîne, wa be merhemî nîgatewe
men’im le nałe bo eken bem hemuwe barî êşewe
feryad û nałe xoşe bê le enderûnî řêşewe
lebî be xende pêm ełê metirse bêre pêşewe
mijey be qehir bang eka dwawe! des bikêşewe
lafawî zecir em hewa le sîne naşwatewe
ẍułamî xakî dergehî pîranî pak tînetim
ke tewqî şewqî bendegî ewane zîb û zînetim
seba be şah guł biłê fîday ew cebînetim
yadî cemałî toye hem sirûr hem sekînetim
beqay řoḧî ême wa be yadî diłguşatewe
qedeḧ fiřê de saqya pyałe řizqî mirduwe
be kûpe bêne bade çun be bade řoḧ zînduwe
le ’îşq zawe teb’î min be bade goçî girtuwe
êranî ême cennete û řizwane şah «duřuwe»
cenabî xizre hatuwe le çeşmey ḧeyatewe
em serwî gułşenî sefa be řûy řeşk mahewe
le cewrî badî payîzî ke hate baẍî şahewe
sed îḧtiřamî pê dira le şahî cem kulahewe
goya be xêre meqdemî xedem le baregahewe
lebbeykî lê kira le her kenar û her cîhatewe
le dewrî şem’î enwerî perwane cem’î bestuwe
yekê şehîdî ebruwe yekê neçîrî gêsuwe
ḧeşre heraye nałeye şîwen le ḧed derçuwe
çi awrêke ey xuda le ’aşiqanî berbuwe
emîrî şewqî hatuwe esîrî xoy ebatewe
lem ’esre piř le fîtneda ke řojekanî wek şewe
hewes wezîrî e’zem û hewa cenabî xusrewe
teqwa ẍerîb û derbeder bê keyf û naz û piřtewe
fermanřewan û muttefîq, ficûr û cewr pêkewe
be nûrî em çira bira biřo le řêy necatewe
nemamî baẍî me’rîfet hewrî beřêjî řeḧmete
menbe’î feyz û abřû me’denî ḧîlim û ḧîkmete
řêgenwênî řastî, çiray dîn û mîllete
mezherî lutfî îzedî exterî burcî ’îzzete
pena be xakpay eben le ẍerb û xorhełatewe
saqî le bezmî şahda beşaretî necat eda
mujde behatnî şewî piř şeřefî berat eda
be kuştuwanî zehrî hîcir, şerbetî ḧeyat eda
be řûtekanî şarî ’îşq, hedîye û xełat eda
le êmeş ey xuda be lutif, awřê bidatewe
zanîwte çone bê xeber? ewza’î nasłametit
ne zîndeganî wa ebê ne toşe bo qyametit
biłê be şah ey serim fîday serwî qametit
gedayî bênewa beşê le xermenî kerametit
tełeb ekat û çawî wa le řêjewî ’etatewe
çi baregahe wa piře le zayranî başeřef
mîsalî ke’be zayrî beřêweye le her teřef
le dewr û piştî menziłî neçîrekanî sef be sef
wêsawin û be sed ziban ełên ḧesreta, esef
bo ew kesey ke zû nehate sêberî humatewe
çi astane? řastan ẍułamî xakî dergehî
feqîrekanî ’aczin le text û efserî şehî
şołey çiray řûnî dił necat eda le gumřehî
bê îqtîbas lew şewî ger aftab ya mehî
bê şarezay! řê neřoy! mar eda be patewe
çi astane? wa deka be asman beraberî
be saknîn û řef’et û be mang û xor û exterî
serî serane muftexer be gerdî xakî ber derî
le kêwekanî zahîre nîşanî ’ulû û berterî
ke qulleyan wa le jûr kêwî her wiłatewe
çi xoşe ey diła le geł hezar zexmî neştera
bijît û dabnêy serit le xakî pay diłbera
ew darî sedre «cinit almawaErebî»y wa le sêbera
bezeyyekî bêje bê be sozşî semendera
be pirsyarê def’eyê diłxuşîyekî batewe
emîrî mułkî diłberî ke arezûy şikar eka
dane le xał û dawî dił le zulfî tabdar eka
be ḧusnî bê nezîrewe ke řû le lalezar eka
wenewşe serifkende û gułałe şermesar eka
le î’tîdalî qameta girew le seru ebatewe
nîgarî ême «zaryaNasnava edebî» le řû kih perde la’eda
be ḧazran le le’lî lêwî şerbetî beqa eda
be ḧusnî xulq û zîbî xelqî şêwey beha eda
beha be dîdeyî ’ela û necmî dîn zyaErebî eda
wekû çiray ewweł em çiraye şewq edatewe