biray beřêzim azîzim gyanim
Li pirtûka:
Dîwanî Zarî
Berhema:
Zarî (1905-1982)
4 Xulek
434 Dîtin
biray beřêzim azîzim gyanim
bê seyrî qirçey diłey piř janim
sipay ẍem şadî wa kirdim tarac
ebirjêm wêney birêşkey ser sac
bo «şerî’etî» şîwenî «zarîNasnava edebî»
bixiwênerewe bike hawkarî
ba berzo bibê seday řořoman
ne tenha bo ew zyatir bo xoman
katêkit zanî kewtîn le cûłe
xistînyane naw ew çałe qûłe
kitêw bê xawen be cê bimênê
ewladê newê tyaya bixiwênê
ełbet bałatir le gişt esefê
eweye neywê mela xelefê
daray sewadê wa bê bizanî
serfî kelamî şer’î qur’anî
kitêwekanman daxo kê bîwa
wereqî bixa bem dîw bew dîwa
dunya bem core bê feqê û mela
haka ’îlim û dîn be carê fewta
le wextî fewtî we bêqerarî
biřwane çilon epirsê «zarî»
witim em koçet key bû le keyda
řîşey cergit dam we nêşî weyda
witî noy tîr bû dûy «ricb alxîrErebî»
řoḧim le qefes derçû wêney teyr
bo xwaḧafîzî nekird le xwêşan?
bo kwê çû boçî řoyî le nawman?
bo xwaḧafîzî nekird legişt yaranî?
lay nekirdewe le nazdaranî?
em koçe çî bû be pele kirdî?
çi me’mûrê bû bê mołet birdî
bo xoy şardewe wêney řoj lêman?
ay kitêwekan bê xawen cê man
eger lampî hoş nebûbê batił
ebîsê lyan serîḧ be gwêy dił
em wituwêje eken legeł xo
bê xawen kewtîn ey xawenman řo
dek felek çirat nemênê nûrî
wa exeyte beyn azîzan dûrî
mangit jêr bałî hewrî řeş kewê
esêrey řojit çawî geş newê
gelawêjit lêj fena řêgey wê
sureyyat gêjgey derya cêgey wê
şêrit we mewday şimşêr bicnirê
řegezî xoşt le bêx hełkenrê
gat, berixt bika be nûkî şaxo
qirjangit bimrê be derd û daxo
masît awarey saray bê aw bê
kefey terazût bişkê le naw çê
dûpşikit nêşî be êş û kuł wê
karjełet xorak diřindey çoł wê
cewzat taławî mergî pê biden
her çît wa têda le cûłey bixen
ahî mezłûman dawênit bigrê
zyatir le ême cezrewet bidrê
tofanî fena têk bida bêxt
tenabit pare hełkenê mêxt
nezimit wek bezmî ême bişêwê
bo kostit xistîn ey kost kewê
bişkê kołekey xeywetî şînit
’alem řeha bê le cewr û kînit
bo bezmî êmet kird be şîwenga
bo dergay şadît lêman pêweda
nebû nemamê ke serderênê
řeşebay cewrit têkî neşkênê
gułê nepşikût le wenewşezar
nekey we çawya hezarha xar
nembîstiwe tacit be kesê dawê
meẍizit le kelley dernehênawê
her serdarêkit geyande eflak
swarî darit kird xinîte toy xak
ew ḧekîmane wa be yarî hoş
mayey şefa bûn bo sedha nexoş
bê wefayî to hoşî lê sendin
berqî bed ’ehdît řîşey hełkendin
jyanê kewa cêgey zewał wê
ebê bo serman pêyewe qał wê
ayîney yeqîn bigrîne ber çaw
tep û tozî şik labbeyn le naw
řêgey bendegî bernedeyn xase
pyabřoyn heta axir henase
«kil alîna rac’unErebî» ber çaw
bigrîn û ẍafił nebîn wêney pyaw
mergî hawseran î’lanî koçe
sîmî telî hoş piř pêç û loçe
gwêy dił we lokey ẍefłet xinyawe
pay gîr we ḧełqey řawî dunyawe
gişt wa ezanîn ehlî kemałîn
le ḧeqîqeta zerfêkî xałîn
barî yařebî le xewgay tenga
şîşey řicaman nedey we senga
çiray hîdayet bêrane řêman
ta wergirêto emanet lêman
nîme destawêz îlla řicayê
xuda penayê xuda penayê
yaran wa yek yek řextyan pêçawe
řoyîn û kesyan nehate dwawe
haka feřşî bezim ême kirya tey
şikanî berdî ecel kûpey mey
kobkeynewe toşeyî çake
hîway manewe nemawe kake
«şerî’etî» wa řoyî be carê
řeḧmetî xuda be serya barê
«zarîNasnava edebî» bê mêjûy koçî darêje
«rebbena xewgayHisaba Ebcedê: řebbena xewgay = 1356» cennet bê, bêje