newroz hat û çemen bergî sewzî kirde ber
Li pirtûka:
Dîwanî Zarî
Berhema:
Zarî (1905-1982)
2 Xulek
587 Dîtin
newroz hat û çemen bergî sewzî kirde ber
pişkût şikofey guł û řuxsarî xiste der
sirwey nesîmî saf beyanî le gułşena
dêt û deçêt û be bulbul le guł eda xeber
bê der le kuncî mîḧnet û biřwane lalezar
şêwey beheşt edat le her la ekey nezer
serma ferarî kirduwe polî gułałe hat
sara û deşt û kêwî be carêk girte ber
zistan koçî kird û kiřêwe milî şika
gułbin kiławî le’lî bedexşanî kirde ser
awê biřêje beser awrî ẍema wehay
serdo ke le tînî ke nemênêt yek eser
’ettarî hewa řijanî be xakda guław
xermanî muşkî çîne çyakanî deşt û der
řûbend labrawe le ser ẍunçe tel’etî
derkewtuwe wek mang le hewra ke bête der
sed şem’ hełkirawe le her şax û gułbinê
zerd û benefiş û ał, ḧîret awerî beşer
zulfî be destî naz şane kird şořebî
xaw û dirêj û diłbere eřjête ser kemer
sefay sîneye seyrî xeramî serwî baẍ
naz dête cûłe be badî demî seḧer
be’îşwe çawî hełênawe lale çaweřêy
nesîmî subiḧ kiławî ke fiřê da le ser
be tarî zulf baweşênî řû eka semen
demê seba be mîhir be herda eka guzer
sersamî ḧusnî sûřetî bûkanî gułşenîn
perwîn û aftab û zuhirh, muşterî, qemer
însan bê nyaz le tar û řubab eken
seday kew û kotir û awazî zerdîwer
bê seyrî lalezar heta êşî cewrî dey
heway řoḧ bexiş lesînet bikate der
be pêkenîn ẍunçe, diłî bulbulî řifand
wa mest û bêxude agey nîye le pa û ser
nergis bih naz hatih gułşen û wenewşe xoy
hawîte xakî řêgey û sucdey ebate ber
em qetre şewnimane le ser bergî guł wekû
duřřêkî danrawih le ser sînyêkî zer
bem hemû çawe seyrî cwanî çemen eka
«zarîNasnava edebî» mîsalî eto asmanî dewre der