adey were qurbanî qedî neyşekerit bim
Li pirtûka:
Dîwanî Zarî
Berhema:
Zarî (1905-1982)
1 Xulek
557 Dîtin
adey were qurbanî qedî neyşekerit bim
qurbane sibey, lazme qurbanî serit bim
dił ḧazre bê bîde le sêdareyî zulifit
baher wekû xermane, le dewrî qemerit bim
dermanî birînî diłekey piř le ẍemim ke
ey min be nîşaney mujekey ’îşwegerit bim
sûtawim û řêgem nîye bo dîtnî bałat
pê hełgire bê ta be fîday řêguzerit bim
axir nefese lazme ey dîde ke emřo
bo řesmî wefa hatne cê, xakî derit bim
ser hełbiře biřwane ke ser berzîye bo min
bo řojî qyamet ke şehîdî nezerit bim
řojê nîye zexmê ke neka xencerî nazit
nemdî keřetê dest le milê ya kemerit bim
to bîtu xuda besyetî em cewre heta key
bem core emin hełgirî zamî xeterit bim
ey baẍî cewanî minî dił letletî şêwaw
’îllet çîye bê behre le saye û semerit bim
sed mertebe řaburdî û netpirsî le ḧałim
ba def’eyê xaşakî şeqamî seferit bim
xoş bextye bo «zarîNasnava edebî» ke daym be dił û gyan
ẍembar û ḧezîn, xeste û xwênîn cigerit bim