pejaret şadîm ce bêx awerden
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
2072 Dîtin
pejaret şadîm ce bêx awerden
dûrît řîşey dił xeymeken kerden
fîraqit ferqim we tûtya kerd
cyayît azam ce hem cya kerd
weswaset wey tewr êş dan we cergim
we mergit qesem řazîm we mergim
wêt bider însaf new nemamî no
merden xasteren ya xo dûrîy to?
merden yek saten eřwaḧekey wêm
dûrît her satê sed mergen perêm
mer cestey xestey min ce foladen
yend dûrît wîno hêman dił şaden
dek řeḧmet ew qebir gişt wefadaran
xususen ew kes şay wefadaran