hatûm le dûrî şarewe
Li pirtûka:
Çepkê Guɫ û Xunçe
Berhema:
Elî Arif Axa (1910-1996)
1 Xulek
449 Dîtin
hatûm le dûrî şarewe
be gyanî piř çexarewe
xot derxe lew telarewe
řûy cwanî xot meşarewe
hatûme ber derganeket
řûm naye bême yaneket
leber twanc û taneket
milim nawe be larewe
herçend biłêy laço biřo
be min mebe to desxeřo
hełnagirim destim le to
ejîm be întîzarewe
nařom êre beheştime
cêy şadmanî û geştime
lem şwêne jîn mebestime
ta eçme xakî tarewe
to hoy siruşt û gyanmî
sermayekey jyanmî
pirtewî şadmanmî
lem çerxe nalebarewe
ey newnîgarî çareguł
kewtime naw diřk û çiqił
derim ke takû mawe dił
ba bême lalezarewe
seyrî minî bêçare ke
zamî derûnim çare ke
ew naḧezeş aware ke
ba derkewê lem şarewe