guł meşkêne
Li pirtûka:
Çepkê Guɫ û Xunçe
Berhema:
Elî Arif Axa (1910-1996)
1 Xulek
459 Dîtin
eger çûyte naw bax guł meşkênewe
gułî hełwerîw meplîşênewe
hêwaş leserxo biřo be baxa
şêwey cwanî çił meşêwênewe
hełîmefřêne bulbulî hejar
diłî le awaz metorênewe
gułanî şîrîn ba diłgîr nebin
yexet be xunçe meřazênewe
peřey gul gelê nerim û naskin
be dest û pencet meyjakênewe
be nerim û hêwaş goranî biłê
wek biramirdû melawênewe
pêwîste řêzî bigrît baxewan
be fermanî ew bicûłênewe
danîşe lejêr dirextî sêwa
diłit be bade damirkênewe
şerbetî şadî noşî gyanit ke
nawî herî ẍem qet mehênewe
serit gêj meke be pengî xeyał
derdî řaburdû mebûjênewe