poy xeyatey ferd bo ’enberînit
Li pirtûka:
Dîwanî Mewlewî
Berhema:
Mewlewî (1806-1882)
1 Xulek
842 Dîtin
poy xeyatey ferd bo ’enberînit
desřêsekey fîkir bîkirî şîrînit
çun arezûy wesił ne toy meḧrûmî
tendebêt we tan ferdî me’dûmîNasnava edebî
çun şebendeřoj sed terze řeng da
tewen dan we tał dêbay ferengida
pey def’î sewday derdî nemaman
bergê bî pey dił, serta we daman
dił ew berg û boy caranş nebê
řûy lway meclîs yaranş nebê
poştet kerdewe îḧsanit yawa
dek hey dewłemend yanet her awa
bêbakîm ’îllet dił serdî nîyen
bêmeylîm ce terk hamferdî nîyen
bełam mes’eley fitway qezay ḧeq
ne meḧkemey şer’ ḧakmî mutłeq
new ’erûsî soz we dił perwerde
xercî gyan we gyan we kabîn kerde
we her sê tełaq bayîne kerden
yadî řic’etiş we dił nawerden
kem bî şinoy weş ahî sub demî
wişkawiş ama coy çemey çemî
bê sozî menził dił kerd we yatax
pey aw û hewaş aw ah û ew dax
we bê min to wêt zîhinit pê yawan
xast fermawan danet şikawan:
bêbedełen ’umir xasiş her pasen
baxtiş pey me’şûq bêbedeł xasen