pîyerlotî

nazfiroşî, telîsim, qeder
qefes, karwan, koşk û sera
tavge,...
biřon mîrkiçan!
perîzadekan!
ey semakeran leser sînîy zîw!
řace, şa, sułtan
heta hezar sał
wek le minare bûbê awêzan
řesmigelî şîlan
afretanî pê û des be xeneş
řîs û çinînyan be nûkî pê la eden
le dûr dûrewe
legeł givey ba
exwênin be řîşî dûkeławîyewe
komełî mela
le naw bergî řeşî zila...
a emeye, her emeye řojhełat
řojhełatêk ke şa’îrî ferensî dîy
řojhełatî bê gerd û xam
wek ew kitêbane enûsin
ke deqîqey milyonêkyan lê çap ebê
bełam ne dwênê, ne emřo, ne sibeynê
hebû, heye, ebê
řojhełatî wa!
řojhełat, cêy hełhatnî řoj,
zewîy burkanekan
ke dîl û bende, bendey řût û qût,
le birsana tya emrê
wiłatî kiłołî
mułkî hemû, řojełatî xoy nebê
ax ey asya... ey balorey demî ewrûpa!
ey balorey piř le hemû şit
ey balorey piř le genim
ey as. ya,
çînîyekanit
çînîye swałkerekanit
xoyan be pirç heł’ewasin,
be dest xoyan bend eken wek momî zerd
be dîrekî keştîyekanî emerîkawe
le popey hereberzî şaxî hîmalayaCih
le popey heresext
zabtekanî berîtanya mosîqay «caz» lê eden,
qaçe zilekanyan be nînokî řeşewe nuqim eken
lew nehrî ẍanjeda ke bêzrawekan
mirdûyanî tê ehawin
ew mirduwaney bê hîwayî le jêr pêda
pilîşanûnî
we enadołî
le lûtkeyewe ta dołî
lew zewîye bewlawe nîye
ke arimistirong goranîy şêtîy tya biław ekatewe
asya îtir bêzar buwe,
bêzar buwe lemane giştî
îtir řojhełat nayewê
em şorbaye qût da
tenanet eger yekêktan twanîy sibeynê
ew mangayeman bo zîndû katewe ke birsyetî kuştî
ba dûrewe kewê, her ewende borciwazî bê
tenanet to, ey pîyer lotî
be taybetî to
ey ewey espêy tîfos le leşya şarawetewe
ew espêye ke le řêy kûtałî mêw kirawewe êmeyan pê kuta, toyş her dûrewe kewe
dûrtir kewe le zabtî ferensî!
to, ey zabtî ferensî!
parekey xotit le bîr çû
«ezyade»y çaw hêşûyî
ewende zû ke jine bazařîyekan
bew gurcîye le bîr naçin
dirozin derçûy, ey lotî!
dirozin derçûy
gořî «ezyade»t bombabaran kird
ew gořey le êmeda naştibût
le mina naştibût
her wekû kołkedarêk bêt bo nîşane danrabê
ba gişt layek bizanin
ke to, ey lotî! le cadûbaz zyatir nîyt
cadûbaz... pîyer lotî
ewey ke be řojhełat efroşê
herçî kałay ferensî heye,
herçî kałay çaweřaw heye,
sedî pênc sed exate ser nirxekeşî bo qazanc
ey pîyer lotî! eger baweřim bibwaye
be gyanî cyawaz le bîrewerî,
gyanî tom egirt
lew řojeda ke řojhełat řizgar ebê
be payey pirdêka hełm ewasî
emca cigereyekim ena be demewe, emkêşa
beramber bew gyane dirozne!
destim bo êwe dirêj kirduwe,
destiman bo êwe dirêj kirduwe
destiman biguşin
ey řût û qûtekanî ewrûpa!
ẍar deyn legeł yektir
beser espî şêy řeng sûrewe
amanc berambermane, eweta zor nizîke
zor nizîke binwařn
binwařn çen kem mawe
bo ew řojaney biřyan dawîn le serbestî
biřwanin jyanewey řojhełat
çon le dûr milî nawe dêt
destesřî xwênawîman bo heł etekênê!
biřwanin, dwayî, çon espî şêy ême
be çwarpel sema ekat
beser lakî îstî’marda!