newroz ekem
Li pirtûka:
Dîwanî Goran
Berhema:
Goran (1904-1962)
2 Xulek
1316 Dîtin
newroz ekem! newroz ekem!
newrozêkî besoz ekem,
cejnî gelî pîroz ekem;
wek kurdêkî diłsoz ekem:
ahengî newroz toz ekem!
newroz ekem! newroz ekem!
newrozî min beharîye,
zerdexeney řûy siruşte;
le deştî řengîn dyarîye:
her hîy min na, cejnî gişte:
řojî jyanewey gele,
hîy gij û gyaye, hî mele!
newroz ekem! newroz ekem!
newrozêkî besoz ekem,
cejnî gelî pîroz ekem;
wek kurdêkî diłsoz ekem:
ahengî newroz toz ekem!
newroz ekem! newroz ekem!
befrî çya kişayewe,
sermay zordar supay şika;
hêzî jyan be dwayewe
eřwa û geła û gya sewz eka;
dest le piştî gyandar eswê
eyxatewe sik û zay nwê!
newroz ekem! newroz ekem!
newrozêkî besoz ekem,
cejnî gelî pîroz ekem;
wek kurdêkî diłsoz ekem:
ahengî newroz toz ekem!
newroz ekem! newroz ekem!
bulbul ełê: awatî guł
lem cejnewe bom dête dî
hengî le naw kuna xicił,
lem řojewe řêy azadî
egrêtewe ber bo mijîn:
le demî guł şîley hengiwîn!
newroz ekem! newroz ekem!
newrozêkî be soz ekem,
cejnî gelî pîroz ekem;
wek kurdêkî diłsoz ekem:
ahengî newroz toz ekem!
newroz ekem! newroz ekem!
koneperist lêm nagrê:
řêy wiryayîy nîştimanî,
kê etwanê: bigrê le zê
řêy hełsan, katî hełsanî?
ya tenanet berî geşe
bigrê le çiłî wenewşe?
newroz ekem! newroz ekem!
newrozêkî be soz ekem,
cejnî gelî pîroz ekem;
wek kurdêkî diłsoz ekem:
ahengî newroz toz ekem!
newroz ekem! newroz ekem!
koneperistî çawqûçaw!
le cejnî gel bo etirsî?
le gel dizî koşk û diraw!
bo natewê cejnî birsî?
bo natewê gyanî çiłkin!
cejnî pakî newrozî min?
newroz ekem! newroz ekem!
newrozêkî besoz ekem,
cejnî gelî pîroz ekem;
wek kurdêkî diłsoz ekem:
ahengî newroz toz ekem!
newroz ekem! neroz ekem!