hevałekem
nameyek bo hevałêk le şam
Li pirtûka:
Dwanî Şêrî Şehîd Osman Ozêrî
Berhema:
Osman Ozêrî (1936-1966)
3 Xulek
491 Dîtin
hevał gyan, a em kurdistaneman
em xake cwane û nîştimaneman
êmey têkřayî girtote baweş
goşî kirdûyn be xwênawî geş
boye wa piştawpiştiman dilêrîn
hemîşe êmey kurd şořişgêřîn
nabezîn serman dananewênîn
koł nadeyn heta mafman estênîn
zincîr û kot û kelepçey dujmin
hełwasîn, lêdan, biřîn û kuştin
řêgay xebatman lê bizir nakat
eger agirî dinya berpa kat
wek gełařêzan hemû hełwerîn
qet terkî nakeyn her kurdiperwerîn
koł nadeyn leřêy kurda naxewîn
diłnyayn kewa her ser ekewîn
mêjûy xwênawîy em kurdistane
şayetî řastî têkoşanmane
hevał gyan, tenya to nît bênaz bît
lecêy sozî kurd pêt biłên to çît?
her to nît kewa le tamî jyan
le xoşewîstîyî xakî kurdistan
be zor namoyît pê biken be zor
leberî baxî xot qet hîç nexor!
to xawenî em xak û xołe bî
to bî hełgirî a em kołe bî
ke têbkoşî bo řizgarîy ew
hewłî bo bidey be řoj û be şew
zordarêk dujmin be gyan û jînit
zyadkerî dax û êş û birînit
wek heło bête ser nîştimanit
hêrş berête ser hoy jyanit
kûlekey řoḧit be zor bişkênêt
takû betenya her xoy bimênê
saman û berubûmî hełlûşê
le xwardinîşa pencey biřûşê
daxî diłî xoy be kurd eřêjê
boy bilwê xwênî giştiman eçêjê
nahêłê taqman wite bibêjê
be zîndûyetî giştiman enêjê
bełam gelî kurd be kes nafewtê
bo řizgarîy xoy hîç kat nasrewê
diłnyaye her ebê ser bikewê
heta dinyaş bê serî nanewê
ew kare qełbey împiryalîstan
le mêjûy kurda buwete dastan
kewa bûn behoy parçe parçeyî
bo berjewendî bebê bezeyî
her letyan daye dest nokerêkyan
netewey kurdîş dûr bêt le jyan
jyan her manay zîndûyî nîye
ke serbest nejît jînit bo çîye?
kewate ewe îspate tewaw
ew parçe parçey ebînîn be çaw
destikirdî destî dagîrkerane
kurdistan her yek parçeye gyane
hevał gyan, eweş bixere ber çaw
bîgeyenere sawa û pîr û law
gelî kurd dostî hemû gelane
biray gelanî aştîxwazane
dujminî têkřa împiryalîste
. . . . . . . . . .Teksta ne aşkira
mêjûy mîlletan şayetî kurde
ke piştawpiştî neberd û kurde
hîç kat bo çakîy karî dujminan
bo împiryalîst yan bo xwênmijan
karî nekirduwe û dûr buwe lewe
bełkû le dijyan her bo pêşewe
singî dawete ber gulle û şest tîr
bo fewtandinyan be řa û be tegbîr
hergîzawhergîz her têkoşane
le dijî dujmin kołî nedawe
mêjûy gelanî řûy em cîhane
şayetî řastî gelekemane