maf
Li pirtûka:
Dwanî Şêrî Şehîd Osman Ozêrî
Berhema:
Osman Ozêrî (1936-1966)
2 Xulek
808 Dîtin
ey maf to wişey serdemî gelî
terazûy řastî řojî ezelî
hewłit bo eden le hemû cîhan
ke destigîrî ken be pare û jyan
çunke ew geley toy tya biław bêt
wişet lebatî wişey siław bêt
ew gele wek dar berz ebêtewe
zordar lenawya cêy nabêtewe
hemû bextyar û dił piř le hestin
her wişe û nawî to eperistin
çunke eger to çûyte her cêga
gurg û meř becût eřon le řêga
çen hezar řołe be sermayewe
leber nawî to serî nayewe
bełam toy nedî qet be xoyewe
ewe bû be zam leser soyewe
herweha gelî kurdî beşkiraw
bê toye boye kize û bê henaw
çen řołey cigergoşey hozî kurd
leber nawî to bo zîndanyan bird
herçende eyut maf legeł baftan
le kwên bo firyam, bo tûnay çeftan
le dengî zincîr zyatir bewlawe
hîç kes dyar nebû le hîç penawe
hîç maf êsta be destî zordar
gîrodey bende nehatote dyar
bełam hemûman wek birûske û hewr
nirke û ne’irtey lê edeyn be cewr
ger be serbiřîn yan qenare û bend
to řizgar ekeyn le ełqey kemend
heta le aso mafman lê hełdê
cûtyar û řenicber řencyan wa eçê
hîç kat têr naxon le berî xokar
çunke çîyan kird fiřandî zordar
îtir ta hêzim tya bê bê gezaf
le dwa henaseyş ełêm kwanê maf