seyrî buhar çen cwane katî keyf û seyrane
Li pirtûka:
Dîwanî Lutfî
Berhema:
Lutfî (1905-1989)
2 Xulek
334 Dîtin
seyrî buhar çen cwane, katî keyf û seyrane
gułan leser çiłane, kanî aw le ceryane
aweng saf leser gułan, bulbul wa leser çiłan
bay we’de legeł zułfan, beyekda dên şeřyane
şeřî ewan negbete, sebeb derd û meynete
bo ’aşiqan zeḧmete, tatay ew zułfane
be tatay zulfî yar, bote kotî pêy hejar
bom mayewe xakesar, lemewla wek dêwane
dêwaney dû çawî tom, nemawe hêz le ejnom
ba her bigryêm bo xom, beşî min her giryane
beşî min her girîne, cerg û diłim birîne
le dûrî ew şîrîne, wek ferhadî zemane
wek ferhadî bêstûn, cerg û henaw bûbe xûn
şagirdî mine mecnûn, seyrî bezmî dêwane
dêwaney bałay yarim, min hîç nîye qerarim
xomîş lexom bêzarim, leber lomey bêgane
lomem eken qum û xwêş, bûme seyaḧ û derwêş
birînim wa hate êş, derdekem zor girane
yekcar girane derdim, şahîde řengî zerdim
le cêgey qewm û ferdim, carê were îrane
lutfîNasnava edebî lêt bû be ḧesret, çaw leřêy dił le mîḧnet
bełkû bika merḧemet, teşrîfî be cejnane