behare xoşî kej û kosare
Li pirtûka:
Dîwanî Şaho
Berhema:
Şaho (1882-1971)
2 Xulek
1116 Dîtin
behare xoşî kej û kosare
katî jyanewey dirext û dare
çiro û herałey nwê dyare
cejnî sewze gya û bax û gułzare
şinoy bay wadey nesîmî newroz
befrî kwêstanî kird be tep û toz
şirîxey ře’d û berqî ciger soz
ne zustanî hêşt, ne berdel’ecuz
şax û kêw û şîw, seḧra û deşt û der
bêstun şaho, kêwî awîder
gelî baw û qendîl gwêje û ezmeř
bergî newrozyan tewaw kirde ber
seḧra guł gułe be laley řengîn
be şewbo û nergis guł mîna û nesrîn
řêḧane û gułbax gułałey nexşîn
wenewşe û lewlaw beřezay şîrîn
sûre herałey bon xoş û çinûr
guł û guł xunçey ał û zerd û sûr
guł zemeq, mêxek, hêroy hezar cor
heřałeberem xembarî serşoř
qaspeqaspî kew awazey bułbuł
bangî yakerîm, qumrî xał le mil
dengî poř seday çolekey ser çił
her yek te’sîrê ekene ser dił
ḧîley cwanû çarewêy zik piř
bořey ga bařey kar û berx û meř
qûqey kełeşêr cirwey pelewer
şeqe denûkî leq leq û sergeř
newrozî dunya her hatuçoye
wextê hatewe her wekû xoye
tenya ne bo min ne her bo toye
şête ew kesey boy řenceřoye
emane her yek bo însanî jîr
core fîkirêkî ehênête bîr
beşer sersame çi cwan û çi pîr
lem kirdewaney yezdanî qedîr
em ka’înate bebê çend û çûn
bebê hendese û xerîte û finûn
be pêy emrekey fewrî «kaf û nun»
le nebûnewe hênawyete bûn
şaho ziban û xeyał û qełem
’acîzin tewaw be nûsîn û dem
le basî kunhî xway bê hawdem
hetakû mawim supasî ekem