yadî konim kirdewe îmřo kize û sozim heye
newrozname
Li pirtûka:
Dîwanî Ewřeḧman Begî Baban
Berhema:
Ewřeḧman Begî Baban (1880-1967)
2 Xulek
1141 Dîtin
yadî konim kirdewe îmřo kize û sozim heye
bîrî mêjûy sî ’esir pêşûy gel û hozim heye
hemdemêkî wek qełem ḧeq bêj û diłsozim heye
meylî basî řojî taze û cejnî pîrozim heye
cejnî newroz yekêtî qewm û gelî hêname yad
řistigarî qewmî madNava taybet û padşahî keyqubadNava taybet
cejnî newroze çemen řazawey ẍunçe û gułe
nergisî şehla qedeḧ efşanî bezmî sunbule
perçemî nesrîn û sewsen ḧełqey dawî diłe
neẍmexwanî bezmî em gułzare qumrî û bulbule
em behşitî ser zemîne kirdewey sen’et nîye
bêt û kurdistan bibînê kê ełê cennet nîye
tacî zemrutî le ser danawe şaxî piř ẍirûr
bergî poşîwe le etles sewz û şîn û zerd û sûr
nuqmî deryay şewnime, ya xo şepolêke le nûr
piř zuhûr û nûre herde û şax û deştî şarezûrNava taybet
cîlwebêkî cennete kewtote ser xakî weten
gułşenî nûranîye enwarî bon xoşe çemen
bay nesîmî řuḧfiza eşnê seḧer xêzî eka
hajey befraw le şaxan şořş engêzî eka
guł le bax û deştî gułşenda ’etir bêzî eka
lale sermestî meyî nabe qedeḧ řêzî eka
řojî taze, sałî taze, babeNasnava edebî řojî şadîye
mujde bexşî serbexoyî pêşřewî azadîye