şewqî şołey şem kułmî nazaran
Li pirtûka:
Dîwanî Mîne Caf
Berhema:
Mîne Caf (1911-1965)
2 Xulek
519 Dîtin
şewqî şołey şem kułmî nazaran
’îşwey nîm nîgay dîde xumaran
le her diłêka ke kewte eşkar
day eřêzênê her wek zehrî mar
her tîrî ẍemzey newnehalan bû
peykanî we naz mawey xałan bû
ferhadî şêt kird wa be hêwaşî
be asin birdî wek mêwe taşî
be berqî şimşêr ser gonay şîrîn
berdî bê sitûn let kirya be qîn
ke çî le mêjûy ’alem arada
şoret bo ferhad ma le dinyada
dyare le çîn bû ferhad le pêşa
şîrîn be kemen zułfî řaykêşa
bû be ’ewdałî pirşey xałekey
kirdî be seng taş çawe kałekey
wirşe û pirşey řûy xeramanî çîn
şewqî dayewe le xawer zemîn
ke xurşîdî kird wêł û der be der
cêy hêła textî şehnişay xawer
peykanî birjang syay xeraman
fewtanî supay xwênrêjî xaqan
çî be azayî û merdî û demřasî
xorşîd le mêjû nusyawe basî
cwanî yusif bû zułeyxay sawa
cêy hêła şahî mułkî xorawa
danîşt be kwêrî le jêr say çerdax
şazadey meẍrîb şoxî berz demax
çî kirdiwe birzû mêjûy lêy edwê
xorşîd be şimşêr ferhad be teşwê