werin yaran temaşa ken çi şîrîn newbeharêke
Li pirtûka:
Dîwanî Mîne Caf
Berhema:
Mîne Caf (1911-1965)
2 Xulek
477 Dîtin
werin yaran temaşa ken çi şîrîn newbeharêke
e her layek eçît ya mêrge ya xud lalezarêke
kewayî tazeyan poşa çya û herd û kosar
be řengaw řengî lêy dawe ’eceb neqiş û nîgarêke
çemen řazaweto řengîn be řengî lale û nergis
nimûney cennet û řêzwan le gişt deşt û dyarêke
řeyaḧîn ’etrî bexşawe le ’etrî ẍunçe û ’enber
nesîmî subiḧ gahan tê şemîmî muşk barêke
çya arayşî xoy kird be sed řeng řengî lêdawe
be guł çarşêwî dadawe ełêy bûkî tîcarêke
temaşay ’îşwe û nazî beřezay pałî tawêr ke
elêy meḧbûbî torawe le sayey berqetarêke
şinoy egrîceyî şewbo le beynî lale û nergis
mełê nemdîwe wek zułfî peşêwî dił figarêke
be tacî zîw û ałtûnî le mêrgî dił guşa nergis
leser awřengî zimřûtî le sîḧra şehryarêke
be ’eynî xałî seru kułmî dilarame
le cergî lale ew xałey ke mawî û awdarêke
gułałe çîn be çîn sef sef le deşta xeymeyî dawe
benewşe zerd û sûr û şîn ’ecayb neş’edarêke
le her kwê doł û şîwê bê řengawřeng neqşî kiryawe
bełê sed gułşenî cennet le dewrî kohsarêke
eçîte seyrî her mêrgê le guł řêy pêt nîye daynêyt
dełêy sed dił eka ḧeyran çi şîrîn ne beharêke
le gułşen dengî semtûr û sedayî sazit pênawe
leser her serwê eřwanî neway kokoy huzarêke
deçîte seyrî guł baẍ û be řengî řûmetî dulber
deşnê û pirş eda bulbul le laya neẍmedarêke
benewşe û sunbul û nesrîn be ’îş û zułfyan bexşe
be ’eynî perçemî pexiş û peşêwî çaw xumarêke
emane mîne cafNasnava edebî giştî be emrî ḧeyyî dadare
binazim qudret û cahî ke wa perwerdigarêke