hana hamseran ce êşî dûrî
Li pirtûka:
Dîwanî Mîne Caf
Berhema:
Mîne Caf (1911-1965)
1 Xulek
669 Dîtin
hana hamseran ce êşî dûrî
ce zamanî sext kerdey mehcûrî
tik tik metkyo hûnaw ne cergim
daym ne sizay şerarey mergim
şadî koçiş kerd ne iqlîmî dił
xem diłşad byen we mawa û menził
xem û tem û hem celam byen cem
esirş hûnawen serçawekey çem
çemanim esrîn hûnaw meřêzo
dûy henasey serd ne dił mexêzo
ce sizay zaman diłey piř ce jar
ce germîy derûn ce şerarey nar
we kebab byen cestem ser ta pa
wêney zûxawen moxim ce aza
xem ne cergey cerg gyan ne cergey xem
ten kasen we xem xemanim hawdem
pey şułey řûxsar ew aramî gyan
cestem megryo çun şem’î şewan
hamseran aman bikerûn çarim
bikerûn ’îlac diłey ewgarim
řeḧmê ken we ḧał mîneNasnava edebîy syabext
ta key binało we zamanî sext