qełem binûse be xwênî diłim
şîwen bo «aftaw»y kiçî û «ḧeme»y kuřî. ḧeme le 16/4/1963 mird û aftawîş le temenî hejde sałîda le sałî 1963 mird.
Li pirtûka:
Dîwanî Mîne Caf
Berhema:
Mîne Caf (1911-1965)
2 Xulek
482 Dîtin
qełem binûse be xwênî diłim
mêjûy şîwenî dû ẍunçey gułim
eyřo kwa «ḧeme» piştî şikanim
eyřo bo «aftaw» cergî sûtanim
eyřo bo ḧeme cêy gişt kesim
quwetî ejno û şimşêrî desim
eyřo bo aftaw ew şox û şenge
ew serwî salar ew gułbaẍ řenge
eyřomen ḧemey cwanemergim řo
biray aftaw gyan benî cergim řo
eyřo bo aftaw ew xełfî sawe
ew bała ’er’er ew heło çawe
ey dił bê qiłpey xwênaw biřêje
lêl min we şîwen wem zwane bêje
ya xwa kes wek min axir şeř newê
na’umêd le dû serwî teř newê
ḧeme we panî twêłe paneket
aftaw we bejnî bała cwaneket
serta pay bałam bûge we qeqnes
şînî êwemen ta axir nefes
ḧeme we bazî çawe bazeket
aftaw we nazî xałe tazeket
peřey cergekem piř le xwênawe
yek yek gyan û dił wek şem tawyawe
eyřo dû ẍunçey boy demaẍim řo
dû weled ahûy ser payîzim řo
dû nûrî dîde dû azîzim řo
eyro bo ḧeme mayey cwanîm
eyřo bo aftaw gułî zînganîm
ya xwa kes wek min newê syabext
til neda we dem cûtê zamî sext
ya xwa kes wek min swêy newêtewe
zamî dû zamey nekulêtewe
kes kuřî nemrê we cwanemergî
dû gulley biřnaw neda le cergî
bo ewey daym neçêt le bîrim
be so bêt zamî piř le te’sîrim
daym xwênrêj bê zamanî sextim
koçî dwařojî ḧemey bedbextim
be mîladî bo mêjûy seferî
ẍunçey guł şenim biřa ełwerî
«ḧeme» temmuz řoj tişrînî sanî
her ew sał «aftaw» mird be cwanî