ey fełek bo kurd xwênexoy to bû
bo lafawî silêmanî û qizrebat û qerexan û erkewazî û bûmelerzey kirmaşan û hemedan
Li pirtûka:
Dîwanî Mîne Caf
Berhema:
Mîne Caf (1911-1965)
3 Xulek
629 Dîtin
ey fełek bo kurd xwênexoy to bû
bira kuştey to û kîne coy to bû
bo çî her wekû dujminî xwênî
be hemû řengê řîşey derbênî
xo silêmanî fexrî kurdanû
aman cêy hîway gişt kurdizwanû
bo be şepolî lêłî lafawit
kawlî ekey dek kwêr bê çawit
řebbî naw diłit let kirê be têx
řebbî naw diłit let kirê be têx
paş silêmanî şarî qizrabat
bo çît kawil kird bo řîşey derhat
pêm biłê ey çerx eme wîcdane
eme qanûnî ehlî îmane
le heweł şewî çil şewey zistan
le coşî serma û yex û yexbendan
to pênc sed małî şarî se’dîye
kawlî ekey le pêw cêy çîye?
dałdeyan ekey be xeymey naylûn
muḧtacyan ekey be qesp û semûn
dû sed małî tir le erkewazî
bem serma û sołe eşêwê nazî
dû sed małî tir le qerexana
gişt heł etûtên le ber barana
nuẍroyan ekey be seyl û lafaw
mał û mindałyan exeyte ser aw
le xawer zemîn olkey kirmaşan
serḧedî seqiz heta hemedan
kawlî ekey to be zelzele
eyandeyte ber şeq û şepazle
ḧewt hezar małî kurdî bêçare
mał wêran ekey řiswa û aware
le gişt layeko zayełe û řoye
şîwenî mergî nemamî noye
e her kwê eçim laşey cwanane
ya le jêr dîwar ya le qebrane
çend kiçî tirî şořî şox û şeng
řûmet peřey guł lêw le’lî fereng
le şîrîn xewda dîwarî xano
kewt be seryana û le jêrya mano
çen xanewadey xan û xanzade
çen gewre małî mîr û begzade
hemût kawil kird nema esasî
saḧbî wêł bû mird be kesasî
sê hezar kest kirde aware
penayan bin berd ya ber muẍare
xot însaf bide ey çerx tu xwa
em cewre ke to kirdit kes eyka!
nazanim çî biłêm konî keç řewişt
nakes perest û şûmî bed surişt
le xwam gereke netbê řehayî
nebînî xoşî û řojî řoşnayî
bo hemû sałê be diłî ẍemgîn
be awî çaw û firmêskî xwênîn
çînê new nemam goł boy taze dem
be sizaw û meynet tênîte berhem
le nakaw wekû dujminî piř qîn
şadîman ekey be giryan û şîn
eyandeyte ber şimşêrî ecel
eybiřî řîşey neşat û emel
dek fełek řebbî her xem bergit bê
hemû katêkit sizay mergit bê
nebînî şadî û neşatê le jîn
çunke gişt sałê emanxeyte şîn