beh beh çi řojêkî newe
Li pirtûka:
Dîwanî Ḧemdî
Berhema:
Ḧemdî (1876-1936)
2 Xulek
869 Dîtin
beh beh çi řojêkî newe, hey hey çi ’umrêkî newe
hewa deryayî pirtewe, guł bo çemen beser řewe
sewze ciłewkêşî ewe, dinya wek baẍî xusrewe
şîrîne cêy seyranekem, emma bidey cejnanekem
seḧra hemû sewz û sûre, çeşme menabî’î nûre
gił wek kilî kêwî tûre, neẍmey nesîmî semtûre
zemîn beheştî piř ḧûre, ’alem ẍemî le dił dûre
carê bide cejnanekem, ewsa were seyranekem
gułzarêke çi řengîne, dinya sipî û sûr û şîne
lale û wenewşe û nesrîne, řeyḧane û mîna çîn çîne
şestipeř xerîkî perjîne, her řojî wa řojî jîne
zû ke bide cejnanekem, têkî mede seyranekem
hênaye lence destî çił, wek camî bade ’etir û guł
’er’er teqanî dest û pil, sema sema eka be xul
ney kewte xwêndinî be dił, nabê bibim zyatir xecił
zorî bidey cejnanekem, xoşî ekem seyranekem
ewwełî řojî behare, hewa pak û mîşkibare
fesłî kenar û cobare, camim le neş’ey ser şare
we’dey wîsałî diłdare, her carêke û her emcare
besye bide cejnanekem, bełku biçme seyranekem
to mahî û min exterit, to şahî û min efserit
to ehlî dił min diłberit, to yarî û min yawerit
to aẍay û min nokerit, řoḧim beser gerdî serit
kwanê bide cejnanekem, mateł nebê seyranekem
guł ẍerqî aw û řenge, ẍunçe dem û dił tenge
nêrgiz gêj û debenge, bulbul leser ahenge
řojêkî şox û şenge, lutfê bike direnge
bêne bide cejnanekem, biçim bo ser seyranekem
qedeḧ mest bû řişayewe, ’umir le nwê nûsrayewe
guł pêkenî geşayewe, şewnim wek min beşayewe
çiroy dirext jyayewe, ẍunçe diłî kirayewe
ba bes biłêm cejnanekem, zaye’ nebê seyranekem
weten ẍerqî ’îşwe û naze, elḧeq le erza mumtaze
qelî şelî ełêy qaze, kewî hemû ełêy baze
be qa’îde emend şaze, wexte biłêm ke î’caze
řoyştûn hawřêkanim, bide pare piř gîrfanim