giřugał
Li pirtûka:
Wenewşe
Berhema:
MiḧemedSedîq Meḧmûdî (1937-1990)
1 Xulek
745 Dîtin
erê ey dił řifênî çaw kejałim
heta key wa le dûrîta binałim?
lezîndanî ewînit da esîrim
bełê kurdim, kuřî zîndan û çałim!!
gelê şadim bewey bêy wibřêjî
beşmişîrî biroket xwênî ałim...
bełam gyane, detirsim řojî dwayî
we estoy to kewê xwên û webałim
çi dawêke gułim biskit? ke’awa
hemîşe řayełe bo poy xeyałim
kehewrî kezye řwî mangit bipoşê
be sirwey bay henasey řademałim
lemeydanî şeřî tîrî mujet da
řezaye gurz û teslîme metałim
le des sîḧrî řeşî çawî geşî to
çilon řizgar ebim? hawar be małim!!
lemêje daxî ’îşq û axî dûrît
le milma bûne ełqey toqî załim
be şî’irim kut ke hestim derbiřênê
pesendîy to biłêt û jînî tałim
kutî: min bo ewane bê zimanim
kizim, lałim, giřugałî minałim